| Barcelona - Arxiu de la Corona d'Aragó [Arxiu Reial de Barcelona] - Cancelleria reial, Cartes reials, Jaume II – extra sèries, 171r |
| Publicació de la fitxa: 2018-11-08
Darrera modificació: 2023-12-04 |
| Bases de dades: | Arnau |
| Descripció |
| Autor: | Jordi Bossoms |
| Procedència: | bibliografia |
| Tipologia |
| Tipus de document: | Lletra |
| Matèria |
| Bisbe – Cardenal – Físic – Mestre – Religió |
| Identificació |
| Localització |
| Arxiu / fons: | Barcelona - Arxiu de la Corona d'Aragó [Arxiu Reial de Barcelona] - Cancelleria reial, Cartes reials, Jaume II |
| Signatura: | extra sèries, 171r |
| Data i lloc |
| Datació: | expressa |
| Data: | 27 octubre 1309 |
| Lloc: | Avinyó [Avignon] |
| Llengua |
| Llatí |
| Contingut |
| Regest |
| Fra Romeu Ortiç i fra Pere Garcia, custodi de València, frares menors, escriuen al rei Jaume II que Arnau de Vilanova l'ha difamat i li anuncien la tramesa d'una lletra del cardenal bisbe de Porto, Mincio de Murrovalle, que recomanen tingui secreta.
Extret d'Alanyà (2022), Diplomatarium Arnaldi de ..., pàg. 254, doc. 199 |
| Persones relacionades |
| 1. Jaume II el Just (1267 – 1327) - destinatari |
| 2. Arnau de Vilanova (c. 1240 – 1311) - esmentat |
| 3. Giovanni Mincio da Murrovalle (m. 1312) - esmentat |
| 4. Romeo Ortiz de Santía - remitent |
| Text |
| Transcripció: | «Sciatis, domine, quod magister Arnaldus de Villanova fuit Avinione et procuravit cum Summo Pontifice coram cardinalibus audienciam sibi dari et tandem per importunam procuracionem data est sibi audiencia coram cardinalibus, in quorum presencia, inter multa que dixit dictus pulvis frater, rationabiliter reprehensus, retulit infra scripta. Dixit enim quod dominus Rex Fredericus, frater vester, dubitaverat diu utrum tradicio evangelica de abrenunciacione temporalium propter Christum esset ab invencione hominum vel divinitus inspirata. Et dum sub tali dubio eius animus fluctuaret, aparuit sibi quadam nocte in sompnis domina Regina, mater vestra, velata facie, suadens ei quod mundum contempneret et divinis obsequiis inhereret, et quod pro certo teneret et crederet quod tradicio evangelica non fuerat humanitus sed divinitus instituta et de hoc nullatenus dubitaret.
Dum autem adhuc dominus Fredericus in eodem dubio permaneret, iterato in sompnis modo consimili eidem aparuit mater vestra et consimiliter verbo retulit supradicta. Tercio vero iterato eidem aparuit facie revelata et verba similiter protulit suprascripta, et tunc dominus Fredericus recognovit illam fuisse matrem suam, que sibi aparuerit et retulit supradicta.
Dixit etiam quod prefatus dominus Fredericus misserat pro magistro Arnaldo quod veniret ad eum in Ciciliam ut sibi prefate visionis misteriurm cercius explicaret. Dixit etiam quod modo consimili vos fueratis in eodem dubio, utrum prefata tradicio fuisset ab invencione hominum vel divinitus, ut predicitur, inspirata, et quod modo consimili vidistis in sompnis dominum Regem Petrum, patrem vestrum, eo modo et ordine quo dominus Fredericus vidit matrem vestram, qui vobis dixit eadem verba que mater vestra dixerat domino Frederico. Et quod vos similiter misseratis pro dicto Arnaldo, ut vobis visionem predictam plenius explanaret.
Et quare vos, domine, et fratrem vestrum de dubio fidei coram Papa et cardinalibus diffamavit, et dubius in fide infidelis censeatur, sicut quidam Cardinalis intulit, qui vos diligit toto corde. Per quod detrahebatur quamplurimum puritati consciencie vestre, honestati fame et vestre regie dignitati.
Idcirco Cardinales amici vestri, et inter ceteros dominus Portuensis, qui vos diligit sicut pater, fuerunt offensi non modicum, quare vos specialiter et etiam fratrem vestrum asserebat in fide dubios et per consequens infideles, curantes de sompniis et in sompniis confidentes, maxime coram Summo Pontifice et collegio Cardinalium universo.
Et dominus Portuensis, cum sui displicencia, coram fratre Petro, socio suo et Custode Valencie, mihi retulit supradicta, et voluit quod per me ad vestram deducerentur noticiam, ut prefatum Arnaldum ad vestra non admittatis negocia, qui per dominum Regem Francie in obiectis contra dominum Bonifacium de heresi accusatur, et ut possitis coram Papa et cardinalibus ipsius falsitatem refellere et vestram puram et fidelem innocentiam excusare.
Ego autem servus vester fidelis, qui pati non possum quod persona vestra posset per aliquem denigrari, juxta decenciam humilis status mei, ubi et quando potui, vos super istis et quibusdam que audiveram veritate previa, sicut valui, excusavi, sicut fuit pluribus manifestum.
Et super istis scribit vobis dominus Portuensis, qui nunciis vestris, si eum expectassent, supradicta omnia et alia plura referre decreverat oraculo vive vocis, et, sicut credo, in brevi scribet vobis dominus Ostiensis.
Suplico autem dominacioni vestre quod supradicta omnia que vobis scribet familiariter Dominus Portuensis placeat tenere secreto et provideatis ne comunicentur littere quibuscumque. Plura enim vobis utilia, sicut a magistris, audivi, notificarentur vobis frequenter ab hiis qui diligunt bonum vestrum, que omittuntur frequencius eo quod vel non bene custodiuntur vel pluribus comunicantur littere vobis misse, sicut in brevi scietis explicite, Domino concedente.
Ego autem frater Romeus Orticii, Minister Aragonie, dominacioni vestre significo supradicta de mandato Reverendi patris domini Portuensis, Generalis Ministri: plurimum vos salutat, qui vobis scribit et eius litteram per vestros nuncios mitto vobis. Valeatis semper in Domino ut curatis, et me servum vestrum habeatis, si placet, in vestri gracia comendatum.
Datum Avinione VI kalendas Novembris anno Domini Mº CCCº nono.»
Extret d'Alanyà (2022), Diplomatarium Arnaldi de ..., pàg. 254, doc. 199 |
| Llibres |
| Arnau de Vilanova, Interpretatio de visionibus in somniis dominorum Iacobi secundi regis Aragonum et Friderici tertii regis Siciliae eius fratris |
| Bibliografia |
| Edicions: | Menéndez Pelayo (1880-1881), Historia de los heterodoxos ..., III, pàg. CXVIII-CXIX |
| Citacions: | Alanyà (2022), Diplomatarium Arnaldi de ..., pàg. 254, doc. 199
Alanyà i Roig (2011-2013), "Diplomatari de mestre Arnau de ...", pàg. 137, doc. 174
Pou i Martí (1930), Visionarios, beguinos y ..., pàg. 91, nota
Martí de Barcelona (1935), "Regesta de documents arnaldians ...", pàg. 288-289, doc. 125 |
|
