| Barcelona - Arxiu Històric de la Ciutat de Barcelona - Fons municipal: Finances – 06.01/1C.VI, vol. 5, ff. 169r-170r |
| Publicació de la fitxa: 2023-05-31
Darrera modificació: 2023-05-31 |
| Bases de dades: | MedCat |
| Fons: | Lluís Cifuentes |
| Descripció |
| Autor: | Lluís Cifuentes |
| Procedència: | inspecció personal |
| Estat: | completa |
| Tipologia |
| Tipus de document: | Llicència |
| Per unitat productora: | Municipal |
| Matèria |
| Cirurgia – Cirurgià – Examen/llicència – Físic – Mestre – Metge municipal |
| Llocs / territoris |
| Territoris: | Catalunya (Principat) |
| Localitats: | Barcelona |
| Identificació |
| Localització |
| Arxiu / fons: | Barcelona - Arxiu Històric de la Ciutat de Barcelona - Fons municipal: Finances |
| Signatura: | 06.01/1C.VI, vol. 5, ff. 169r-170r |
| Òlim: | Consellers, VI Imposicions, vol. 5 |
| Data i lloc |
| Datació: | expressa |
| Data: | 18 octubre 1351 |
| Lloc: | Barcelona |
| Llengua |
| Llatí |
| Contingut |
| Regest |
| Simó Rovira, com a notari del Consell de la ciutat de Barcelona, aixeca acta de l'examen de Jaume (III) Sarriera, cirurgià, que el faculta per al lliure exercici de la cirurgia, ordenat per les autoritats municipals segons les disposicions de les corts generals de Montsó d'Alfons II el Liberal de 1289, i efectuat per Ramon de Tesarac, mestre en arts i en medicina, i per Arnau Germà, mestre en medicina, ciutadans de Barcelona. En són testimonis, entre d'altres, l'apotecari Miquel Tosell i el físic Pere de Montblanc, ciutadans de la mateixa ciutat. |
| Persones relacionades |
| 1. Ramon de Tesarac (m. 1362) - examinador |
| 2. Arnau Germà (fl. 1351 – 1386/1398) - examinador |
| 3. Jaume Sarriera (III) (fl. 1350 – 1371) - examinat |
| 4. Miquel Tosell (fl. 1350 – 1390) - testimoni |
| 5. Pere de Montblanc (fl. 1350 – 1366) - testimoni |
| 6. Alfons II el Liberal (1265 – 1291) - esmentat |
| Text |
| Transcripció: | «Noverint universi quod cum, juxta tenorem cuiusdam capituli editi in curia Montissoni per serenissimum dominum Alfonsum primum, regem Aragonum, memorie recolende, celebrata, aliquis medicus vel cirurgicus uti nequeat artem medicine vel cirurgie donec examinatus fuerit per probos homines uniuscuiusque loci, simul cum aliis medicis vel cirurgicis, et quod illi qui electi vel aprobati fuerint jurent in posse vicarii vel baiuli et dictorum proborum hominum dicti loci quod fideliter se habebunt in medicamentis, in visitacionibus, in disuspitacionibus et in aliis ad ipsam artem seu scienciam pertinentibus quovis modo, idcirco, die mercuri, octavadecima die mensis october, anno a nativitate Domini millesimo trecentesimo quinquagesimo primo, post pulsacionem vesperorum et ante horam comunis prandii eiusdem diei, in presencia honorabilium virorum Guillelmi Oliverii, Jacobi Cavallerii, Guillelmi Romei, Francisci de Sanctoclemente et Johannis Serra, consiliariorum hoc anno Barchinone civitatis, in quadam casa inferiori hospicii quod ego, Simon de Ruvira, notarius Barchinone, habeo in civitate Barchinone juxta ecclesias Sancti Jacobi et Sancti Michelis, personaliter residencium, et in presencia mei, dicti Simonis de Ruvira, auctoritate regia notarii publici Barchinone et scriptoris Consilium dicte civitatis, et in presencia eciam venerabilis et prudentis viri Petri de Ruvira, legum doctoris, Michelis Toselli, apothecarii, et magistri Petri de Montealbo, fisici, civium Barchinone, testium ad hec specialiter vocatorum, venerabiles et discreti Raimundus de Tesaraco, magister in artibus et in medicina, et Arnaldus Germani, magister in medicina, cives dicte civitatis, qui ad examinandum magistrum Jacobum de Riaria, cirurgicum, et quosdam alios cirurgicos dicte civitatis per honorabiles Petrum de Sanctoclemente, vicarium Barchinone, et consiliarios supradictos fuerunt assignati, constituti personaliter intus hospicium supradictum in casa scilicet supradicta, prestito per eos juramento ad sancta Dei Evangelia quod super examinacione huiusmodi fideliter et legaliter se haberent, examinaverunt prefatum magistrum Jacobum de Riaria, ibidem hac de causa personaliter constitutum, de arte seu sciencia cirurgie et de suficiencia seu abtitudine quam habet in arte seu sciencia supradicta, faciendo eidem Jacobo plurima questiones, argumenta et alia que ipsis, ad noscendum idoneitatem, suficienciam vel abtitudinem ipsius magistri Jacobi, fieri videbantur; quibus paractis auditisque et intellectis per eos responsionibus per ipsum magistrum Jacobum factis ad ea que per dictos venerabiles et discretos Raimundum de Tesaraco et Arnaldum Germani ab ipso in et super dicta arte seu sciencia cirurgie petita fuerant et quesita, iidem venerabiles Raimundus de Tesaraco et Arnaldus Germani dixerunt, in presencia ipsorum venerabilium consiliariorum, qui predictis omnibus et singulis ut predicitur afuerunt et in presencia mei, dicti notarii, et testium predictorum, quod ipsi invenerant jamdictum magistrum Jacobum suficientem, idoneum, praticum atque aptum circa usum et exercicium dicte artis necnon ad praticandum, dissuspitandum et curandum vulnera, tam simplicia quam composita, et alia que pertinent ad artem seu scienciam antedictam. Post hec, autem, eadem die mercuri predicta, paulo post pulsacionem vesperorum eiusdem diei, in presencia mei, Simonis de Ruvira, notarii et scriptoris predicti, et in presencia eciam jamdicti venerabilis Petri de Ruvira, legum doctoris, Bernardi de Palaciolo, licenciati in legibus, Petri de Insula, Berengarii de Gostemps et Berengarii de Cortilio, jurisperitorum, civium Barchinone, testium ad hec specialiter vocatorum, jamdictus magister Jacobus de Riaria, qui eadem die de dicta arte seu sciencia cirurgie examinatus fuerat, ut prefertur, constitutus personaliter in domo predicta hospicii supradicti, ante presencia honorabilis Oliverii de Togores, locumtenentis jamdicti honorabilis viri Petri de Sanctoclemente, vicarii Barchinone et Vallensis, eo absente, et ante presencia honorabilium Guillelmi Oliverii, Jacobi Cavallerii, Guillelmi Romei, Francisci de Sanctoclemente et Jacobi Serra, consiliariorum predictorum, ibidem personaliter residencium, et presentibus eciam ad hoc prefata venerabilibus Raimundo de Tesaraco, magistro in artibus et in medicina, et Arnaldo Germani, magistro in medicina, qui ad examinacione predictam electi seu assignati extiterant, ut est dictum, juravit ad sancta Dei Evangelia in posse dicti venerabilis Oliverii de Togores, locumtenentis vicarii supradicti, et venerabilium consiliariorum predictorum, quod ipse bene, fideliter et legaliter se habebit in medicamentis, in visitacionibus et disuspitacionibus et in aliis ad ipsam artem seu scienciam pertinentibus quovis modo. Quibusquidem omnibus et singulis supradictis sit processis et factis, incontinenti jamdictus magister Jacobus de Riaria volens, ut dixit, quod apareat de examinacione predicta que de eo hodie, ut premititur, facta fuit, et ut tutius deinceps uti valeat arte seu sciencia supradicta, petiit, in presencia dictorum venerabilium consiliariorum, de predictis ominibus sibi fieri publicum instrumentum per me, notarium supradictum. Et confestim dicti venerabiles consiliarii voluerunt et requisiverunt per me, eundem notarium et sriptorem, ut apareat de examinacione predicta de predicto magistro Jacobo de Riaria ut supra patet facta et ut ipse magister Jacobus de Riaria ammodo, tanquam examinatus, libere et tute uti possit artem seu scienciam supradictam, eidem magistro Jacobo de Riaria hoc presens testimoniale instrumentum fieri sigilloque Consilii dicte civitatis apendicio comuniri. Acta sunt hec die, horis, anno et loco predictis, presente me, dicto notario, et presentibus eciam testibus supradictis». |
| Observacions |
| Transcripció sense revisar.
El mateix dia foren examinats, pels mateixos examinadors, els cirurgians Ramon Andreu (fl. 1346 – 1351), Francesc Desmàs (fl. 1351), Pere Argent (fl. 1351) i Bonjuhà Cabrit (m. ante 1385). |
|
